पत्रकार हल्ल्यातील आरोपी फरार

पत्रकार हल्ल्यातील आरोपी फरार

मुंबई : मालवणीच्या कमल तलाव याठिकाणी साप्ताहिकाचे पत्रकार राजकिशोर तिवारी यांच्यावर हल्ला केल्याप्रकरणी मुख्य आरोपी हुसेन याला अटक करण्यात आली आहे; मात्र अन्य आरोपी अजूनही पोलिसांना सापडले नसून त्यांचा शोध सुरू आहे.

सायबर तज्ज्ञालाच गंडा

मुंबई : फेसबुकवर मैत्री करत सायबर तज्ज्ञाला गंडा घालण्याचा प्रकार मुंबईत उघडकीस आला आहे. २०० कोटींची संपत्ती असलेल्या बेवारस श्रीमंताचे पैसे बँक खात्यात वळते करण्याचे आमिष दाखवत त्याच्याकडून १२ लाख लुबाडण्यात आले. याप्रकरणी बिकेसी सायबर सेल पोलिसात गुन्हा दाखल करण्यात आला आहे.

मालाडमध्ये दिवसाढवळ्या चोरी

मुंबई : मालवणीच्या गेट क्रमांक ६ येथील कादरी मशीद जवळ एका घरात दिवसाढवळ्या चोरी करण्यात आली. बकरी ईदच्या आदल्या दिवशी हा प्रकार घडला असून याप्रकरणी अद्याप मालवणी पोलिसांनी गुन्हा दाखल केलेला नाही. मात्र चौकशी सुरू असल्याचे पोलिसांकडून सांगण्यात आले.

कारखाली चिरडून मुलीचा मृत्यू

मुंबई : अंबोली परिसरात सुश्मिता पवार (८) या मुलीला कारने दिलेल्या जोरदार धडकेत ती गंभीर जखमी झाली. तिला रुग्णालयात दाखल केले असता उपचारादरम्यान तिचा मृत्यू झाला. याप्रकरणी ऋषिकेश सिन्हा (६३) याला अंबोली पोलिसांनी अटक केली आहे.