मुंबई : मुंबई शहर आणि उपनगरात कोरोनाचे समूळ उच्चाटन होत असून, सक्रिय सीलबंद इमारतींची संख्यादेखील कमी होत आहे. रविवारी सक्रिय सीलबंद इमारतींची संख्या २४ एवढी नोंदविण्यात आली आहे, अशी माहिती मुंबई महापालिकेकडून देण्यात आली.
-----------
धारावीत तीन रुग्ण
मुंबई : रविवारी धारावीत कोरोनाचे ३ रुग्ण आढळले असून, दादर आणि माहीममध्येदेखील कोरोनाचे अनुक्रमे १, ७ रुग्ण आढळून आले आहेत. महापालिकेने केलेल्या उपाययोजनांमुळे कोरोना रुग्णांचा आलेख खाली येत आहे, असा दावा प्रशासनाने केला आहे.
-----------
खड्डे बुजविले
मुंबई : कुर्ला ते अंधेरी मार्गावर मोठ्या प्रमाणावर खड्डे पडले आहेत. येथील खड्ड्यांमुळे वाहतूककोंडी होत असून, नागरिकांना मोठ्या प्रमाणावर त्रासाला सामोरे जावे लागत आहे. याचा विचार करत याच मार्गावरील जरीमरी येथील खड्डे बुजविण्याचे काम हाती घेण्यात आले आहे.