चेंबूरमध्ये सिलिंडरचा मोठा स्फोट, घर कोसळून ४ जण जखमी, ११ जणांची सुखरूप सुटका

जखमींना जवळच्या रुग्णालयात दाखल करण्यात आले आहे.

मुंबई : चेंबूरमध्ये सिलिंडरचा मोठा स्फोट झाल्याची घटना घडली. येथील एका घरात गॅस सिलिंडरचा मोठा स्फोट झाला. त्यामुळे घर कोसळून चौघे जण जखमी झाले. या घटनेमुळे अडकलेल्या ११ जणांना वाचविण्यात आले आहे. तर जखमींना जवळच्या रुग्णालयात दाखल करण्यात आले आहे.

चेंबुरमधील जुनी बॅरॅक गोल्फ क्लबजवळ असलेल्या एका दुमजली घरांच्या चाळीत ही घटना घडली आहे. चाळीतील सलग चौथ्या आणि पाचव्या क्रमांकाच्या घरात स्फोट झाला. दरम्यान, या घटनेची माहिती मिळताच पोलिसांसह अग्निशमन दलाच्या गाड्या घटनास्थळी दाखल झाल्या. तसेच, बचाव पथकही घटनास्थळी दाखल झाले. यावेळी, वरच्या मजल्यावर अडकलेल्या व्यक्तींची सुखरुप सुटका करण्यासाठी शर्थीचे प्रयत्न करण्यात आले.

VIDEO: चेंबुरमध्ये एका चाळीत सिलिंडरचा स्फोट, चार जण जखमी; अग्नीशमन दल घटनास्थळी pic.twitter.com/HsukGiTMB4

— Lokmat Mumbai (@LokmatMumbai) November 29, 2023

सुदैवाने या घटनेत कोणतीही जीवितहानी झालेली नाही. मात्र, चार जण जखमी झाले आहेत. या घटनेमध्ये आतापर्यंत ११ जणांची पहिल्या मजल्यावरून सुखरूप सुटका करण्यात आली आहे. तर ४ जखमी व्यक्तींना जवळच्या रुग्णालयात दाखल केले आहे. विकास अंभोरे (वय ५०), अशोक अंभोरे (२७ वर्षे), सविता अंभोरे (४७ वर्षे), रोहित अंभोरे (२९ वर्षे) अशी जखमी व्यक्तींची नावे आहेत.

Mumbai: An incident of a house collapse due to a cylinder blast has been reported in the Chembur area of Mumbai, four people sustained injuries and have been sent to a nearby hospital. 11 people have been rescued safely, so far: BMC

— ANI (@ANI) November 29, 2023