वीजजोडणीचा अर्ज ऑनलाइनच करावा; महावितरणचे आवाहन

औद्योगिक ग्राहकांना उत्कृष्ट सेवा देण्यावर भर असून त्यात सुधारणा करण्यात येणार आहेत.

मुंबई : औद्योगिक ग्राहकांना उत्कृष्ट सेवा देण्यावर भर असून त्यात सुधारणा करण्यात येणार आहेत. औद्योगिक ग्राहकांसाठी राज्यभरात मीटरचा पुरवठा मुबलक करण्यात आला आहे; आणि नवीन औद्योगिक ग्राहकांनी वीजजोडणीचा अर्ज आॅनलाइनच करावा, असे आवाहन महावितरणचे अध्यक्ष व व्यवस्थापकीय संचालक संजीव कुमार यांनी महावितरणच्या वतीने केले.
पुणे व कोकण प्रादेशिक विभागातील औद्योगिक ग्राहकांसोबत मंगळवारी प्रकाशगड मुख्यालयातून व्हिडीओ कॉन्फरेन्सद्वारे संजीव कुमार यांनी संवाद साधला. या वेळी ते बोलत होते. देखभाल-दुरुस्तीच्या कामाचे नियोजन करून या कामासाठी औद्योगिक ग्राहकांचा वीजपुरवठा महिन्यातून एकदाच बंद करण्यात येईल. याबाबत खबरदारी घेण्याबाबत क्षेत्रिय कार्यालयांना या वेळी सूचित करण्यात आले.