‘क्रीडा पुरस्कारासाठी ८ जानेवारीपर्यंत अर्ज करावेत’

लोकमत न्यूज नेटवर्क

मुंबई : जिल्ह्यातील गुणवंत क्रीडापटू, गुणवंत क्रीडा मार्गदर्शक यांच्या कार्याचे आणि योगदानाचे मूल्यमापन होऊन त्यांचा गौरव व्हावा, त्यांना प्रोत्साहन मिळावे म्हणून जिल्हा क्रीडा पुरस्कार देऊन सन्मान करण्यात येतो. सन २०१९-२० च्या मुंबई शहर जिल्हा क्रीडा पुरस्कारासाठी ८ जानेवारी २०२१ पर्यंत अर्ज करावेत, असे आवाहन जिल्हा क्रीडा अधिकारी मुंबई शहर यांनी केले आहे.

मुंबई शहर जिल्ह्यातील पुरस्कारासाठी भरावयाचे अर्ज जिल्हा क्रीडा संकुल, २रा मजला, सायन - वांद्रा लिंक रोड, धारावी, सायन (प.), मुंबई येथे विनामूल्य उपलब्ध आहेत. या पुरस्कारासाठीचे विहित नमुन्यातील अर्ज ८ जानेवारी २०२१ पर्यंत कार्यालयीन वेळेत जिल्हा क्रीडा अधिकारी कार्यालयात सादर करावेत. अधिक माहितीसाठी ९८१९७०२०७०, ९७५७०१४५३७ येथे संपर्क साधावा, असे आवाहन जिल्हा क्रीडा अधिकारी मुंबई शहर यांनी प्रसिद्धिपत्रकाद्वारे केले आहे.

---------------------------