मध्यस्थी करणाऱ्या पोलिसाला शिवीगाळ करत मारहाण

लोकमत न्यूज नेटवर्क

मुंबई : दुचाकी चालक आणि रिक्षा चालक यांच्यातील वाद मिटविण्यासाठी मध्यस्थी घेतलेल्या वाहतूक पोलिसाला रिक्षाचालकाने शिवीगाळ करत मारहाण केल्याची घटना मंगळवारी मानखुर्द परिसरात घडली. मानखुर्द पोलिसांनी सरकारी कामात अडथळा निर्माण केल्याप्रकरणी अहसान नब्बसुल्ला शेख (२७) याला अटक केली आहे.

मानखुर्द वाहतूक विभागात कार्यरत असलेले पोलीस शिपाई सुभाष चव्हाण (४०) यात जखमी झाल. आहेत. मंगळवारी सायंकाळी ७ च्या सुमारास मानखुर्द येथील टी जंक्शन परिसरात शेखने भरधाव रिक्षा चालवून दुचाकी चालकास धडक दिली. दुचाकी चालकाने याचा जाब विचारताच त्यालाच मारहाण केली. यावरून दोघांमध्ये वाद सुरू झाला. याच परिसरात चव्हाण हे क्रेन ऑपरेट करत असताना त्यांना वाहतूक कोंडी झाल्याचे दिसून आले. त्यांनी तात्काळ तेथे धाव घेत मध्यस्थी केली. दोघांना समजावत असताना, याच रागात शेखने चव्हाण यांना शिवीगाळ करत मारहाण केली. अखेर त्यांनी अतिरिक्त मदत मागवून घेताच चव्हाणला ताब्यात घेतले. मारहाणप्रकरणी त्याला अटक केली आहे.