लोकमत न्यूज नेटवर्कमुंबई : पान खात रेल्वे स्थानकाबाहेर थुंकणाऱ्या इसमांवर क्लीनअप मार्शलने कारवाई केल्याने संबंधितांनी मार्शलला मारहाण केल्याची घटना शनिवारी सायंकाळी सायन रेल्वे स्थानक परिसरात घडली. या प्रकरणी मार्शलने धारावी पोलिसांत तक्रार दाखल केली असून पोलीस पुढील तपास करत आहेत. विजय गुलाब बळी असे या क्लीनअप मार्शलचे नाव आहे. तो पालिकेच्या एका खासगी कंत्राटदाराकडे क्लीनअप मार्शलचे काम करत आहे. सध्या तो सायन रेल्वे स्थानकाबाहेर कर्तव्यावर आहे. शनिवारी सायंकाळी सायन रेल्व ेस्थानकाबाहेर तो कर्तव्य बजावत असताना एक इसम पान खात थुंकत असल्याचे त्याच्या लक्षात आले. त्याने तत्काळ त्या इसमाला हटकत त्याला दंड भरण्याचे सांगितले. या वेळी या इसमासोबत बराच वेळ वाद झाला. थुंकणारा इसम दंड देण्यास नकार देत असल्याने मार्शल त्याला पोलीस ठाण्यात नेत होता. याच दरम्यान या इसमाने त्याच्या साथीदाराच्या मदतीने विजय याला मारहाण करत घटनास्थळाहून पळ काढला.
क्लीनअप मार्शलवर हल्ला
By admin | Published: May 29, 2017 7:00 AM