आत्महत्येचा प्रयत्न

मुंबई : जोगेश्वरी पोलीस ठाण्याचे स्पेशल पोलीस शिपाई विठ्ठल खिल्लारे यांचा वरिष्ठांशी वाद झाल्याने त्यांनी परिमंडळ १० च्या पोलीस उपायुक्त कार्यालयात फिनेल पिऊन आत्महत्येचा प्रयत्न केला. त्यांना तत्काळ कूपर रुग्णालयात दाखल करण्यात आले असून, त्यांचे समुपदेशन करण्यात आले आहे.

....

दादरमध्ये एकाची हत्या

मुंबई : दादरमध्ये रविवारी सकाळी साडेसहाच्या सुमारास भवानीशंकर रोडवरील पदपथावर छबीराज लोलई जैस्वार (५५) यांची डोक्यात पेव्हर ब्लॉक घालून हत्या करण्यात आली आहे. याप्रकरणी दादर पोलिसांनी गुन्हा दाखल केला आहे.

....

ते चोर नाही तर कर्मचारीच निघाले

मुंबई : पोलीस महासंचालक कार्यालयाजवळील एटीएमजवळ रविवारी दोन संशयित काही साहित्य टेम्पोमध्ये भरत असताना येथील पोलीस गार्डने पाहिले. त्यांना कुलाबा बीट मार्शलच्या ताब्यात दिले. चौकशीत, बँकेने एटीएम मेंटेनन्स, साफसफाई व इतर तांत्रिक बाबीसाठी नेमलेल्या सब कॉन्ट्रॅक्टरचे कामगार असल्याचे स्पष्ट झाले.