वेतन करार रखडल्याने बँक कर्मचारी संपाच्या पवित्र्यात

देशातील बँक कर्मचारी आणि अधिकाऱ्यांच्या वेतन वाढीवर इंडियन बँक असोसिएशनसोबत सुरू असलेली चर्चा फिस्कटल्याने बँक कर्मचारी व अधिकाºयांनी संपाची हाक दिली आहे.

मुंबई : देशातील बँक कर्मचारी आणि अधिकाऱ्यांच्या वेतन वाढीवर इंडियन बँक असोसिएशनसोबत सुरू असलेली चर्चा फिस्कटल्याने बँक कर्मचारी व अधिकाºयांनी संपाची हाक दिली आहे. आॅल इंडिया बँक एम्प्लॉइज असोसिएशनसह ९ केंद्रीय संघटनांनी हा निर्णय घेतला आहे. या प्रकरणी ८ व ९ मे रोजी देशातील विविध राज्यांत निदर्शने करून कर्मचारी व अधिकाºयांनी आपला रोषही व्यक्त केला.
फोर्टच्या हॉर्निमल सर्कल येथील स्टेट बँक आॅफ इंडियासमोर शेकडो कर्मचारी व अधिकाºयांनी मंगळवारी निदर्शने करीत वेतन कराराची मागणी केली. संघटनेचे राज्य सरचिटणीस देविदास तुळजापूरकर म्हणाले, वेतन करारासाठी चर्चा करण्यासाठी बसलेल्या संघटनांसमोर केवळ २ टक्के वेतन वाढीचा प्रस्ताव सादर करून, आयबीएने कर्मचारी आणि अधिकाºयांची थट्टा केली आहे. या विरोधात मे महिन्याच्या शेवटच्या आठवड्यात दोन दिवस बँका बंद ठेवण्यात येतील.