केमिस्टच्या दुकानात लाखोंची चोरी
मुंबई : डोंगरीतील रुबी केमिस्ट ॲन्ड जनरल स्टोअर्समध्ये मंगळवारी रात्री ते बुधवारी पहाटेच्या दरम्यान दुकानाची कडी तोडून सव्वा लाख रुपयांची चोरी केल्याची घटना घडली. याप्रकरणी डोंगरी पोलिसांनी मालक मोहम्मद साजिद मोहम्मद जावेद बक्षावाला (४१) यांच्या तक्रारीवरून गुन्हा नोंदवत अधिक तपास सुरू केला आहे.
...आणि घरात चोर शिरला
मुंबई : डॉकयार्ड रोड येथे राहणारे कुरेशी कुटुंबीय घरात झोपले असताना मंगळवारी सकाळी तक्रारदार यांचे पती नैसर्गिक विधीसाठी घराचा दरवाजा अर्धवट ठेवून बाहेर गेले. हीच संधी साधून चोर घरात शिरला. मोबाइल चोरून बाहेर पडताना तक्रारदार यांच्या पायाला धक्का लागला. त्यांनी मागे वळून बघताच चोर असल्याचे समजले. मदतीसाठी आवाज देईपर्यंत चोर पसार झाला. यात त्यांचा मोबाइल चोरीला गेला असून, डोंगरी पोलीस अधिक तपास करत आहेत.