बोईसर : येथील डॉ. स. दा. वर्तक विद्यालयात इयत्ता दहावीत असलेला आशिष यादव हा विद्यार्थी आज सकाळी पावणे सातच्या सुमारास सायकलवरून शाळेत जात असताना रस्त्यावरील खड्डे वाचविताना तोल जाऊन समोरून येणाऱ्या ट्रकचे चाक आशिषच्या डोक्यावरून जाऊन त्याचा जागीच मृत्यू झाल्याने बोईसरचे खड्डे अजून किती बळी घेणार आहेत, असा संतप्त प्रश्न नागरिकांकडून विचारला आहे.बोईसर येथील संजय नगरमध्ये राहणारा आशिष नवापूर नाक्यामार्गे बोईसर पालघर रस्त्यावरून आज सकाळी शाळेत जात असताना साईबाबा मंदिराच्या आसपास घटना घडली. सदर ट्रक एमआयडीसीमधून रेल्वे स्थानकामधील ट्रक टर्मिनलमध्ये चालला होता. नवापूर नाका ते बोईसर उड्डाणपूल दरम्यानच्या रस्त्यात काही ठिकाणी पडलेल्या मोठमोठाल्या खड्ड्यांमुळे निष्पाप आशिषचा बळी गेला आहे. सदर रस्ता दुरुस्त क रण्यात यावा त्याकरिता सिटीझन फोरम आॅफ बोईसर-तारापूर सह डॉ. स. दा. वर्तक विद्यालयाच्या व्यवस्थापनानेही वारंवार पत्रव्यवहार केला असून या बाबतीत गंभीर दखल घेतली जात नाही.
बोईसरला खड्ड्यांनी घेतला विद्यार्थ्याचा बळी
By admin | Published: July 17, 2014 1:33 AM