मालवणीत सापडला महिलेचा मृतदेह

मालवणीत एका महिलेचा मृतदेह सापडला. सोमवारी दुपारी हा प्रकार घडला. या प्रकरणी मालवणी पोलिसांनी अपघाती मृत्यूची नोंद

मुंबई : मालवणीत एका महिलेचा मृतदेह सापडला. सोमवारी दुपारी हा प्रकार घडला. या प्रकरणी मालवणी पोलिसांनी अपघाती मृत्यूची नोंद केली आहे.
मालवणीच्या गेट क्रमांक ८ येथे अंबुजवाडी परिसरात वृंदावन मंदिराच्या तलावात एका महिलेचा मृतदेह सापडला. या महिलेचे वय जवळपास ४५ वर्षे आहे. स्थानिकांनी हा मृतदेह पाहून त्याबाबत मालवणी पोलिसांना कळविले. मालवणी पोलिसांनी मृतदेह शवविच्छेदनासाठी शताब्दी रुग्णालयात पाठवला. या महिलेचा मृत्यू तलावात बुडाल्याने झाल्याचे प्राथमिक चौकशीत समोर आले आहे. मृत्यूचे नेमके कारण जाणण्यासाठी शवविच्छेदन अहवालाची वाट पाहत असल्याचे मालवणी पोलीस ठाण्याचे वरिष्ठ पोलीस निरीक्षक दीपक फटांगरे यांनी सांगितले. महिलेची अद्याप ओळख पटलेली नाही. या प्रकरणी अपघाती मृत्यूची नोंद करण्यात आली आहे. (प्रतिनिधी)