कंटेनरमधील जोरदार धडकेत, दोन्ही चालकांचा जागीच मृत्यू

Accident : वालीव पोलीस ठाण्याच्या हद्दीतील सुवी पॅलेस हॉटेलजवळ हा अपघात घडला. मुंबईकडून गुजरातच्या दिशेला जाणारा कंटेनर डिव्हायडर तोडून मुंबईच्या दिशेने जाणारा कंटेनरवर समोरासमोर आदळला.

नालासोपारा : मुंबई-अहमदाबाद महामार्गावरील ससुनवघर येथे दोन कंटेनर भरधाव वेगात समोरासमोर आदळल्याने भीषण अपघात झाल्याची घटना रविवारी सकाळी घडली असून या अपघातात दोन कंटेनरचालकांचा जागीच मृत्यू झाला आहे, तर एक जण गंभीर जखमी आहे. त्याला तातडीने उपचारासाठी खाजगी हॉस्पिटलमध्ये दाखल करण्यात आले आहे.
वालीव पोलीस ठाण्याच्या हद्दीतील सुवी पॅलेस हॉटेलजवळ हा अपघात घडला. मुंबईकडून गुजरातच्या दिशेला जाणारा कंटेनर डिव्हायडर तोडून मुंबईच्या दिशेने जाणारा कंटेनरवर समोरासमोर आदळला. 

वाहतूककोंडीत पडली भर 
- या भीषण अपघातामुळे दोन्ही कंटेनरमधील साहित्य रस्त्यावर पसरलेले होते, तर दोन्ही गाड्यांचा अक्षरशः चुराडा झाला आहे. 
- या अपघातामुळे महामार्गावरील वाहतूककोंडीत भर पडली होती. वालीव पोलिसांनी अपघाताचा गुन्हा दाखल केला असून मृत्यू झालेल्या चालकांची ओळख पटलेली नाही.