डोंबिवली : मध्य रेल्वेच्या ठाणे-कल्याण जलद डाउन मार्गावर, तर हार्बरच्या सीएसटी-चुनाभट्टीदरम्यान दोन्ही मार्गांवर रविवारी मेगाब्लॉक घेण्यात येणार आहे. सकाळी ११ ते दुपारी ४ दरम्यान हा ब्लॉक असेल. ठाणे-कल्याण जलद डाउन मार्गावरील लोकल ब्लॉकमुळे डाउन धीम्यावर वळवण्यात येतील. त्यामुळे त्या कळवा ते ठाकुर्ली स्थानकांदरम्यान सर्व स्थानकांत थांबतील. डोंबिवलीच्या डाउन जलदवर त्या वेळेत लोकल धावणार नाहीत. हार्बरच्या सीएसटी-चुनाभट्टी स्थानकांदरम्यान दोन्ही मार्गांवर ब्लॉक असल्याने सीएसटी-पनवेल, बेलापूर, वाशी मार्गावर अप व डाउन मार्गांवर त्या वेळेत लोकल फेऱ्या रद्द करण्यात येणार आहेत. प्रवाशांच्या सोयीसाठी कुर्ला-पनवेल स्थानकांदरम्यान विशेष लोकल फलाट क्रमांक-८ वरून सोडण्यात येतील. तसेच हार्बरच्या प्रवाशांना सकाळी १० ते सायंकाळी ६ दरम्यान पश्चिम रेल्वेने प्रवासाची मुभा असणार आहे. (प्रतिनिधी)
मध्य, हार्बरवर आज ब्लॉक
By admin | Published: July 24, 2016 3:36 AM