CoronaVirus in Mumbai मुंबई हादरली! आज नवे रुग्ण हजारासमीप; मृत्यू मात्र घटले

By ऑनलाइन लोकमत | Published: May 14, 2020 09:05 PM2020-05-14T21:05:06+5:302020-05-14T21:06:16+5:30

आज राज्यात १६०२ नवीन रुग्णांचे निदान झाले. तर दिवसभरात ४४ कोरोना बधितांचा मृत्यू झाला. दिलासा देणारी गोष्ट म्हणजे नवीन नियमांच्या मदतीमुळे आज ५१२ रुग्ण बरे होऊन घरी गेले आहेत.

CoronaVirus Marathi news 998 new positive patient found in mumbai today; 25 deaths hrb | CoronaVirus in Mumbai मुंबई हादरली! आज नवे रुग्ण हजारासमीप; मृत्यू मात्र घटले — CoronaVirus in Mumbai मुंबई हादरली! आज नवे रुग्ण हजारासमीप; मृत्यू मात्र घटले

मुंबई : देशाची आणि महाराष्ट्राची आर्थिक राजधानीमध्ये कोरोनाने कहर केला आहे. जसाजसा पावसाळा जवळ येऊ लागला आहे तसतशी नागरिक आणि प्रशासनाची धाकधूक वाढू लागली आहे. लॉकडाऊन पुन्हा वाढवणार का, असा प्रश्न उभा ठाकलेला असताना मुंबईतील आजची रुग्णांची आकडेवारी मुंबईकरांसह राज्याची झोप उडविणारी आहे.

आज राज्यात १६०२ नवीन रुग्णांचे निदान झाले. तर दिवसभरात ४४ कोरोना बधितांचा मृत्यू झाला. दिलासा देणारी गोष्ट म्हणजे नवीन नियमांच्या मदतीमुळे आज ५१२ रुग्ण बरे होऊन घरी गेले आहेत. मात्र, यात मुंबईचा वाटा खूप मोठा आहे. मुंबईमध्ये आज दिवसभरात ९९८ नवीन कोरोनाचे रुग्ण सापडले आहेत. यामुळे एकूण रुग्णांची संख्या 16579 एवढी झाली आहे.

तर मुंबईमध्ये २५ जणांचा बळी गेला आहे. नवी मुंबईत १० आणि पुण्यात ५ जणांचा मृत्यू झाला आहे. मुंबईतील एकूण मृत्यूंची संख्या ६२१ झाली आहे. आज दिवसभरात ४४३ रुग्णांना घरी पाठविण्यात आले आहे. यामुळे या रुग्णांची एकूण संख्या ४२३४ झाली आहे.

998 new positive #COVID19 cases & 25 deaths reported in Mumbai today, total positive cases here rises to 16579, death toll rises to 621. A total of 443 people were discharged from hospitals today, 4234 people have been discharged till date: Municipal Corporation Greater Mumbai pic.twitter.com/QvyZvTEQlM
— ANI (@ANI) May 14, 2020