Cyclone Biparjoy : बिपोरजॉय चक्रीवादळाने जोर पकडला! मान्सूनवर काय होणार परिणाम?

Cyclone Biparjoy : येत्या तीन दिवसांत तीव्र चक्रीवादळात रूपांतर होऊ शकते. IMD ने आधीच 8 ते 10 जून दरम्यान समुद्रात खूप उंच लाटा येण्याची शक्यता वर्तवली आहे.

Cyclone Biparjoy : अरबी समुद्रात २०२३ या वर्षातील पहिलेच मान्सूनपूर्व वादळ दिवसेंदिवस जोर धरत आहे. समुद्रात निर्माण झालेल्या खोल दबावाचे चक्रीवादळात रूपांतर झाले असून ते वेगाने पुढे जात आहे. आज, ८ जून रोजी पहाटे ५.३० वाजता, चक्रीवादळ BIPARJOY पूर्व-मध्य अरबी समुद्रावर सुमारे 13.9N आणि 66.0E वर केंद्रीत होते आणि गोव्याच्या पश्चिम-नैऋत्येस सुमारे ८६० किमी आणि मुंबईच्या दक्षिण-नैऋत्येस ९१० किमी अंतरावर आहे. उत्तर-वायव्य दिशेकडे सरकत असताना त्याची तीव्रता वाढेल, असे हवामान खात्याने म्हटले आहे.

RBI Monetary Policy: EMI भरणाऱ्या जनतेला मोठा दिलासा; रिझर्व्ह बँकेकडून रेपो रेट 'जैसे थे'

हवामान खात्याने दिलेल्या माहिनुसार, येत्या तीन दिवसांत त्याचे तीव्र चक्रीवादळात रूपांतर होऊ शकते. ८ ते १० जून दरम्यान समुद्रात खूप उंच लाटा येण्याची शक्यता आयएमडीने आधीच वर्तवली आहे. १२ जूनपर्यंत ही प्रणाली अत्यंत तीव्र चक्रीवादळाची ताकद कायम ठेवण्याची शक्यता आहे. याचा सर्वाधिक परिणाम गुजरातच्या किनारपट्टीवरील शहरांमध्ये दिसून येईल.

'चक्रीवादळ कर्नाटक, गोवा, महाराष्ट्र आणि गुजरातच्या किनारी भागातून पुढे सरकत आहे, पण, किनारपट्टी भागात काही जोरदार वारे वाहतील आणि काही भागात मुसळधार पाऊस पडेल आणि या चक्रीवादळाचा भूभाग आहे. पाकिस्तानात असण्याची शक्यता आहे. आयएमडीने आतापर्यंत भारत, ओमान, इराण आणि पाकिस्तानसह अरबी समुद्राला लागून असलेल्या देशांवर त्याचा परिणाम होण्याचा अंदाज वर्तवला आहे, जरी त्याचा कोणताही मोठा परिणाम होण्याचा अंदाज नाही. हवामानशास्त्रज्ञ म्हणतात की प्रणालीचा तात्पुरता ट्रॅक उत्तर दिशेला असेल, पण वादळ काहीवेळा अंदाज चुकीचे ठरतात.

हवामान खात्याने किनारपट्टीवरील शहरांमध्ये प्रशासनाला सतर्कतेचा इशारा दिला आहे. यासोबतच समुद्रात उंच लाटा उसळण्याची शक्यताही व्यक्त करण्यात आली आहे. अरबी समुद्रातील वर्षातील पहिल्या प्री-मॉन्सून वादळाचे नाव 'बिपरजॉय' असेल, ज्याची सूचना बांगलादेशने केली आहे.

तर दुसरीकडे केरळमध्ये मान्सून कधीही दाखल होऊ शकतो असं हवामान विभाने म्हटले आहे. या वादळाचा मान्सूनवर परिणाम होत आहे. या वादळाचा परिणान मान्सूनच्या गतीवर झाला आहे. मॉन्सून अरबी समुद्राच्या उर्वरित भागांमध्ये आणि मध्य अरबच्या काही भागांमध्ये पुढे सरकला आहे. 

मॉन्सून मध्य अरबी समुद्राच्या आणखी काही भागात, केरळचा उर्वरित भाग, तामिळनाडूचा आणखी काही भाग, कर्नाटकचा काही भाग मध्य भागात मान्सून पुढे सरकण्यासाठी अनुकुल परिस्थिती आहे, अशी माहिती हवामान विभागाने दिली आहे.