Dhananjay Munde Facebook Page: धनंजय मुंडे यांचं फेसबुक पेज हॅक, फेसबुक अन् सायबर सेलकडे केली तक्रार

Dhananjay Munde Facebook Page: राज्याचे सामाजिक न्याय मंत्री धनंजय मुंडे यांचं अधिकृत फेसबुक पेज हॅक झाल्याचा संशय खुद्द मंत्री धनंजय मुंडे यांनी व्यक्त केला आहे. याबाबतची माहिती त्यांनी ट्विटर हँडलवरुन दिली आहे. राज्याचा कॅबिनेट मंत्री म्हणून करत असलेली कामं आणि त्यांचे वैयक्तिक विचार धनंजय मुंडे त्यांच्या फेसबुक पेजवर अपलोड करत असतात. त्यांच्या फेसबुक पेजचे लाखो फॉलोअर्स आहेत. 

माझे अधिकृत फेसबुक पेज @DPMunde हे कोणीतरी अज्ञात व्यक्तीने हॅक केल्याचा संशय आहे. याबाबत @FacebookIndia व @MahaCyber1 कडे रीतसर तक्रार नोंदवली आहे. pic.twitter.com/CxzrPcfzC7

— Dhananjay Munde (@dhananjay_munde) October 26, 2021

धनंजय मुंडे यांच्याकडून त्यांच्या फेसबुक पेजचा अ‍ॅडमिन अ‍ॅक्सेस काढून घेण्यात आल्याचा दावा मुंडे यांनी केला आहे. "माझे अधिकृत फेसबुक पेज हे कुणीतरी अज्ञात व्यक्तीने हॅक केल्याचा संशय आहे. याबाबत फेसबुक आणि महाराष्ट्र सायबर सेलकडे रीतसर तक्रार नोंदवली आहे", असं ट्विट धनंजय मुंडे यांनी केलं आहे. आपल्या फेसबुक पेजचं अ‍ॅडमिन अ‍ॅक्सेस गमावलं असल्याचं मुंडे यांनी फेसबुक इंडियाच्या लक्षात आणून दिलं आहे. तसंच त्यांनी आपलं फेसबुक पेजचा अ‍ॅक्सेस पुन्हा प्राप्त करुन देण्याची मागणी फेसबुक इंडियाकडे केली आहे. 

Dear @Facebook team, I have lost my admin and moderator access to my Facebook Page 'Dhananjay Munde (@DPMunde)' The page link : https://t.co/AtPLWzKJHx
Seems it's a hack on my page!
Request to quickly retrieve our admin/moderator access. Thank you. @FacebookIndia@MahaCyber1pic.twitter.com/3YYFvJUSJi

— Dhananjay Munde (@dhananjay_munde) October 26, 2021

Read in English