सिंधूतार्इंशी थेट भेट

शेकडो बालकांची माय म्हणून सिंधूताई सपकाळ ओळखल्या जातात. या आईची थेट भेट व संवाद साधण्याची संधी उपलब्ध झाली आहे

मुंबई : शेकडो बालकांची माय म्हणून सिंधूताई सपकाळ ओळखल्या जातात. या आईची थेट भेट व संवाद साधण्याची संधी उपलब्ध झाली आहे. १२ नोव्हेंबर रोजी होणाऱ्या विशेष कार्यक्रमात सगळ्यांना सिंधूतार्इंचे विचार ऐकता येणार आहेत. ‘लोकमत’ या कार्यक्रमाचे माध्यम प्रायोजक आहे.
दक्षिण-मध्य मुंबई काँग्रेस कमिटी ब्लॉक क्रमांक १९२ आणि धम्मरत्न सामाजिक संस्थेतर्फे ‘सिंधूताई सपकाळ, थेट भेट व संवाद’ या कार्यक्रमाचे आयोजन करण्यात आले आहे.
१२ नोव्हेंबर रोजी सायंकाळी ६ वाजता केशवराव दाते पटांगण, अशोकवाडी, आगाशे पथ, दादर (प.) येथे हा कार्यक्रम होणार आहे. आमदार कालिदास कोळंबकर यांच्या वाढदिवसाचे औचित्य साधत, या कार्यक्रमाचे आयोजन करण्यात आले आहे. (प्रतिनिधी)