एनसीबीची कारवाई; अभिनेता सुशांतसिंह राजपूत ड्रग्ज प्रकरण
लोकमत न्यूज नेटवर्क
मुंबई : दिवंगत अभिनेता सुशांतसिंह राजपूत ड्रग्ज प्रकरणात अमली पदार्थविराेधी पथकाने (एनसीबी) गोवा येथून ड्रग्ज पेडलर हेमल शाह याला शुक्रवारी अटक केली.
गेल्या वर्षी १४ जून रोजी सुशांतचा मृत्यू झाला. त्याच्या मृत्यूनंतर एनसीबीच्या चौकशीत बॉलिवूडमधील ड्रग्ज कनेक्शन तसेच अनेक सेलिब्रिटींची नावे समोर आली. यातील अनेकांची चौकशीही करण्यात आली. याच प्रकरणी शाहचे कनेक्शन समोर येताच त्याला शुक्रवारी अटक करण्यात आली. एनसीबीचे पथक शहाकडे अधिक तपास करीत आहे. त्याने सुशांतसह बॉलिवूडमधील अनेकांना ड्रग्ज पुरविल्याची माहिती उघडकीस आली आहे.
दरम्यान, या प्रकरणी आतापर्यंत सुशांतची मैत्रीण, अभिनेत्री रिया चक्रवर्ती, तिचा भाऊ शौविक चक्रवर्तीसह अनेकांना अटक करण्यात आली. सध्या ते जामिनावर बाहेर आहेत.
.....................................................................