मुंबई : चेंबुरमध्ये एका मद्यधुंद अवस्थेत असलेल्या तरूणच्या भरधाव कारच्या धडकेत चार जण जखमी झाल्याची घटना शनिवारी मध्यरात्री घडली. एकाच कुटुंबातील चार जण जखमी झाले असून त्यांच्यावर चेंबूरच्या एका खासगी रुग्णालयात उपचार सुरू आहे.
शनिवारी रात्री १२ च्या सुमारास ही घटना चेंबूरच्या डायमंड उद्यान परिसरात घडली आहे. चेंबूर परिसरात राहणारे जैस्वाल कुटुंब एक कौटुंबिक कार्यक्रम आटपून घरी परतत असताना डायमंड उद्यान सिग्नलवर पाठीमागून भरधाव वेगात आलेल्या कारने धडक दिली. यामध्ये तीन लहान मुलांसह चारजण जखमी झाले असून त्यांना एका खासगी रुग्णालयात दाखल केले आहे. यावेळी नागरिकांनी गाडी चालवणाऱ्या तरुणीला पकडून चेंबूर पोलिसांच्या ताब्यात दिले आहे.
ही तरुणीनशेत धुंद असल्याचा आरोप जैस्वाल कुटुंबियांनी केला आहे. सध्या चेंबूर पोलिसांनी तरुणीला ताब्यात घेतले असून पोलीस याबाबत अधिक तपास करत आहेत.