तलावात बुडून दोघांचा मृत्यू

खाडीकिनारी असलेल्या तलावात बुडून दोघा लहान मुलांचा मृत्यू झाला आहे. दोघेही घणसोलीचे राहणारे असून खाडीकिनारी

लोकमत न्यूज नेटवर्कनवी मुंबई : खाडीकिनारी असलेल्या तलावात बुडून दोघा लहान मुलांचा मृत्यू झाला आहे. दोघेही घणसोलीचे राहणारे असून खाडीकिनारी मासेमारीसाठी तयार केलेल्या तलावात ते पोहण्यासाठी गेले. पाण्याच्या खोलीचा अंदाज न आल्याने त्यांचा बुडून मृत्यू झाला. घणसोली सेक्टर १५ तलावाच्या ठिकाणी मंगळवारी ही घटना घडली. घणसोली चिंचआळी येथे राहणारी काही अल्पवयीन मुले तेथे पोहण्यासाठी गेली होती. त्यांच्यासोबत युवराज थापा (१५) व हितेश क्षत्रीय (१२) हे दोघेही त्याठिकाणी गेले होते. परंतु खोलीचा अंदाज न आल्यामुळे युवराज व क्षत्रीय पाण्यामध्ये बुडाले. यावेळी घाबरलेल्या इतर मुलांनी त्यांच्या मदतीसाठी आरडाओरडा केला. काही अंतरावरच असलेल्या व्यक्तींनी त्यांचा जीव वाचवण्याचा प्रयत्न केला. मात्र, तोवर उशीर झाला होता.