जेट एअरवेजचे संस्थापक नरेश गोयल यांच्या दिल्ली, मुंबईतील घरांवर ईडीचे छापे
By ऑनलाइन लोकमत | Published: August 23, 2019 09:30 PM2019-08-23T21:30:00+5:302019-08-23T21:30:54+5:30
2014 मध्ये जेट एअरवेजमध्ये झालेल्या गुंतवणुकीत परदेशी गुंतवणूक कायद्याचं उल्लंघन केलं आहे.
जेट एअरवेजचे संस्थापक नरेश गोयल यांच्या दिल्ली, मुंबईतील घरांवर ईडीचे छापे
मुंबई - जेट एअरवेजचे मालक नरेश गोयल यांच्या दिल्ली आणि मुंबई येथील घरावर ईडीने छापे टाकले आहेत. जेट एअरवेज प्रायव्हेट लिमिटेडमध्ये एतिहाद एअरवेजकडून करण्यात येणाऱ्या गुंतवणुकीची ईडी चौकशी करत आहे.
तपास यंत्रणेचं म्हणणं आहे की, 2014 मध्ये जेट एअरवेजमध्ये झालेल्या गुंतवणुकीत परदेशी गुंतवणूक कायद्याचं उल्लंघन केलं आहे. जेट एअरवेजवर 8500 कोटीपेक्षा अधिक कर्ज आहे. यात कर्मचाऱ्यांचा पगार जोडला तर ही रक्कम 11 हजार कोटींपर्यंत जाते. यापूर्वीही जेट एअरवेजचे संस्थापक नरेल गोयल यांना गुरूवारी तपास यंत्रणांनी फसवणुकीच्या प्रकरणाखाली चौकशी केली. जेट एअरवेजमधील 18 हजार कोटींच्या कथित आर्थिक व्यवहारामधील अनियमितता यावर गोयल यांना प्रश्न विचारण्यात आले.
Sources:Naresh Goyal had started a company called M/s Tail Winds Corporation in Isle of Man in 1992&this company controlled all financial activities of Jet Airways.ED searches also covered one Hasmukh Deepchand Gardi, who had invested a huge amount in Tail Wind&now stays in Dubai https://t.co/EANR9WkbCP
— ANI (@ANI) August 23, 2019
याआधी जेटमध्ये २४ टक्के भागीदारी असलेल्या एतिहादच्या प्रवक्त्यांनी सांगितले होते की, भारताच्या जेट एअरवेजमध्ये काही अटींवर पुन्हा गुंतवणूक करण्याचा विचार सुरू आहे. परिवहन क्षेत्रात भारत जगात वेगाने वाढत आहे. यूएईचा आर्थिक सहकारी देश म्हणूनही भारताकडे पाहिले जाते. आम्ही एअरवेजचे मुख्य गुंतवणूकदार बनू इच्छित नाहीत. याशिवायही गुंतवणूकदारांना पुढे यावे लागेल. यात फेरभांडवलीकरण व्हायला हवे. एतिहादशिवाय नॅशनल इन्व्हेस्टमेंट अ‍ॅण्ड इन्फ्रास्ट्रक्चर फंड (एनआयआयएफ), टीपीजी कॅपिटल आणि इंडिगो यांनाही गुंतवणुकीबाबत अपेक्षा आहेत.
Sources on ED raids at 12 locations of Jet Airways chairman Naresh Goyal in Delhi & Mumbai: Searches were conducted based on intelligence gathered & various complaints. Goyal's business empire includes 19 privately held companies- 14 registered in India & 5 outside. pic.twitter.com/ZKet7aak47
— ANI (@ANI) August 23, 2019
एतिहादने हे स्पष्ट केले नाही की, जेट एअरवेजमध्ये जर एखाद्या कंपनीने अधिक भागीदारी खरेदी केली, तर त्यांच्यासोबत ते काम करतील का? इंडिगो आणि स्पाईसजेटसोबत स्पर्धा करणाऱ्या आणि भारतातील प्रमुख कंपन्यांपैकी एक असणाºया जेटची आर्थिक स्थिती अलीकडच्या काळात अधिक बिघडत गेली.
