Breaking : संजय राऊत यांच्या पत्नी वर्षा यांना ईडीने पाठवले समन्स 

Varsha Raut Summons by ED : आता संजय राऊत यांची पत्नी वर्षा राऊत यांना ईडीने चौकशीसाठी समन्स पाठवले आहे. 

मुंबई : राजधानी मुंबईतील पत्रा चाळ पुनर्विकास प्रकरणी 1 हजार 34 कोटी रुपयांच्या  झालेल्या आर्थिक घोटाळ्याप्रकरणी शिवसेना नेते आणि खासदार संजय राऊत (Sanjay Raut) चांगलेच अडचणीत आहेत. अनेक तासांच्या चौकशीनंतर अखेर ईडीने संजय राऊत यांना अटक केली. त्यानंतर, न्यायलयाने राऊत यांना पहिली 4 ऑगस्टपर्यंत ईडी कोठडी सुनावली होती. संजय राऊत यांना आज पुन्हा एकदा न्यायालयात हजर केले असता, न्यायालयाने त्यांच्या कोठडीत 8 ऑगस्टपर्यंत वाढ केली आहे. आता संजय राऊत यांची पत्नी वर्षा राऊत यांना ईडीने चौकशीसाठी समन्स पाठवले आहे. उद्या चौकशीसाठी बोलावले आहे. 

मनी लाँडरिंगप्रकरणी संजय राऊत यांची पत्नी वर्षा राऊत यांना समन्स पाठवल्याने त्यांच्या अडचणीत वाढ झाली आहे. वर्षा यांच्या बँक खात्यातून अनोळखी व्यक्तीच्या बँक खात्यात पैसे पाठवण्यात आले आहेत. वर्षा राऊत यांच्या बँकेतून १ कोटी ६ लाख आणि १ कोटी ८ लाख अनोळखी व्यक्तीच्या बँक खात्यात पाठवण्यात आले आहे. त्यामुळे पत्रा चाळ घोटाळ्याप्रकरणी संजय राऊत आणि वर्ष राऊत यांची चौकशी करण्यासाठी ईडीने वर्ष राऊत यांना समन्स पाठवले आहे. वर्षा राऊत यांच्या बँक खात्यातून अनेक व्यवहार झाले असून त्याबाबत ईडीला वर्षा यांची चौकशी करायची आहे.