नवी मुंबई : वातावरणातील बदलामुळे भाजीपाल्याच्या उत्पादनावर परिणाम होऊ लागला आहे. आवकमध्ये चढ उतार होत असल्यामुळे बाजारभाव वाढू लागले आहेत. मुंबई बाजार समितीमध्ये फ्लॉवर, वाटाणा, दुधी भोपळ्याच्या दरामध्ये वाढ झाली आहे.
मुंबई कृषी उत्पन्न बाजार समितीमध्ये बुधवारी ६७७ वाहनांमधून ३ हजार टन भाजीपाल्याची आवक झाली आहे. यामध्ये ४ लाख ७२ हजार जुडी पालेभाज्यांचा समावेश आहे. मागील काही दिवसांमध्ये आवकमध्ये चढ उतार होत आहे. राज्यात दिवसा प्रचंड उन्ह व रात्री थंडी असे वातावरण आहे. उन्हामुळे भाजीपाला पिकावर परिणाम होत आहे. अनेक ठिकाणी पुरेसे पाणी उपलब्ध होत नसल्यामुळेही उत्पादन कमी होत आहे. या सर्वांचा मुंबईतील आवकवर परिणाम होत असून बाजारभाव वाढू लागले आहेत. एक आठवड्यात दुधी भोपळ्याचे दर दुप्पट वाढले आहेत. दर प्रतीकिलो १२ ते १६ वरून २४ ते ३० रुपयांवर गेले आहेत. फ्लॉवर १० ते १५ वरून १४ ते १८ झाले आहेत. गवार ४० ते ५० वरुन ५० ते ७०, कारली २० ते ३० वरुन ३० ते ४०, वाटाणा ३० ते ४० वरुन ४६ ते ५६ रुपये किलो दराने विकला जात आहे.
किरकोळ मार्केटमध्येही तेजीकिरकोळ मार्केटमध्येही भाजीपाला खराब होण्याचे प्रमाण वाढले आहे. यामुळे बाजारभावही वाढत आहे. किरकेाळ मंडईत दुधी ६० रुपये किलो, फरसबी ७० ते ८०, फ्लॉवर ६० ते ८०, गाजर ४० ते ६०, कारली ५० ते ६०, ढोबळी मिर्ची ८० ते १००, शेवगा शेंग ८० ते १००,वाटाणा ६० ते ८० रुपये किलो दराने विकला जात आहे.
घेवडा कैरीचे दर नियंत्रणातबहुतांश भाज्यांचे दर वाढलेले असताना घेवड्याचे दर या आठवड्यात कमी झाले आहेत. दर प्रतिकिलो ३० ते ४० रुपयांवरून २६ ते ३२ रुपये झाले आहेत. कैरी ८० ते ९० रुपयांवरून ६० ते ७० रुपये किलोवर आली आहे.
एक आठवड्यातील भाजीपाल्याच्या दरातील फरकवस्तू - २१ फेब्रुवारी - २८ फेब्रुवारीदुधी भोपळा - १२ ते १६ - २४ ते ३०फरसबी - २४ ते ३० - २६ ते ३०फ्लॉवर - १० ते १५ - १४ ते १८गाजर - १० ते १५ - १२ ते १६गवार - ४० ते ५० - ५० ते ७०काकडी १० ते १८ - १२ ते २०कारली - २० ते ३० - ३० ते ४०ढोबळी मिर्ची - ३५ ते ४५ - ४० ते ५०शेवगा शेंग - ४० ते ५५ - ४० ते ६०दोडका - २६ ते ३६ - ३० ते ४०वाटाणा - ३० ते ४० - ४६ ते ५६