वांगणी-बदलापूर दरम्यान ओव्हरहेड वायरमध्ये बिघाड; मुंबईकडे जाणाऱ्या लोकल खोळंबल्या
By ऑनलाइन लोकमत | Published: October 29, 2023 08:55 AM2023-10-29T08:55:33+5:302023-10-29T08:55:50+5:30
अप मार्गावरील ओव्हरहेड वायरमध्ये बिघाड असल्याने कल्याण ते कर्जत या डाऊन मार्गावर गाड्या धावत आहेत.
वांगणी-बदलापूर दरम्यान ओव्हरहेड वायरमध्ये बिघाड; मुंबईकडे जाणाऱ्या लोकल खोळंबल्या
मुंबई : रविवारचा दिवस असला तरी कामानिमित्त बाहेर पडलेल्या मुंबईकरांसाठी महत्वाची अपडेट आहे. वांगणी-बदलापूर अप लाईनच्या ओव्हरहेड वायरमध्ये तांत्रिक बिघाड झाल्याने लोकल वाहतूक ठप्प झाली आहे.
सकाळी ८ च्या सुमारास ओव्हरहेड वायरमध्ये बिघाड झाला आहे. यामुळे अनेक लोकल वांगणी-बदलापूर भागात अडकल्या आहेत. कर्जत सीएसएमटी लोकल वांगणीच्या पलिकडेच रोखण्यात आल्या आहेत. बदलापूर/अंबरनाथ येथून लोकल कल्याण/सीएसएमटीकडे धावत आहेत.
अप मार्गावरील ओव्हरहेड वायरमध्ये बिघाड असल्याने कल्याण ते कर्जत या डाऊन मार्गावर गाड्या धावत आहेत. रेल्वे कर्मचारी पोहोचले असून बिघाड दुरुस्त करण्यात येत आहे.