सीएसटी स्टेशनवरील इमारतीला आग
By admin | Published: June 27, 2014 06:05 PM2014-06-27T18:05:58+5:302014-06-27T18:28:01+5:30
छत्रपती शिवाजी टर्मिनसवरील (सीएसटी) एका इमारतीला आग लागल्याचे वृत्त आहे.
सीएसटी स्टेशनवरील इमारतीला आग
Next
मुंबई, दि. २७ - छत्रपती शिवाजी टर्मिनसवरील (सीएसटी) एका इमारतीला आग लागल्याचे वृत्त आहे. सीएसटी स्टेशनवरील प्लॅटफॉर्म नंबर १ जवळ असलेल्या इमारतीच्या चौथ्या मजल्यावर आग लागली असून अग्निशमन दलाच्या ५ गाड्या आग विझवण्याचे प्रयत्न करत आहेत.
सुदैवाने या आगीत कोणीही जखमी झालेले नाही. तसेच या आगीचा रेल्वे वाहतुकीवरही कोणताही परिणाम झालेला नाही. मात्र सुरक्षेच्या कारणास्तव प्लॅटफॉर्म क्रमांक १ रिकामा करण्यात आला आहे, अशी माहिती रेल्वेेचे मुख्य जनसंपर्क अधिकारी नरेंद्र पाटील यांनी दिली.
मात्र ही आग नेमकी कशामुळे लागली याचे कारण अद्याप समजू शकलेले नाही.
