मुंबईतील क्रॉफर्ड मार्केटमध्ये आग; अग्निशमन दलाच्या ८ गाड्या घटनास्थळी

सुदैवानं आगीत कोणतीही जीवितहानी नाही

मुंबई: शहरातील प्रसिद्ध क्रॉफर्ड मार्केटमध्ये आग लागल्याची घटना घडली. भीषण स्वरुपाची आग लागल्यानं अग्निशमन दलाच्या ८ गाड्या घटनास्थळी पोहोचल्या. क्रॉफर्ड मार्केटमध्ये लागलेली आग लेव्हल-२ची होती. सुदैवानं आगीत कोणतीही जीवितहानी झालेली नाही.

Mumbai: Fire breaks out at Crawford Market. 8 fire tenders present at the spot. Fire-fighting operation underway. More details awaited

— ANI (@ANI) August 17, 2020

क्रॉफर्ड मार्केटमध्ये आग लागल्याची माहिती सकाळी सव्वा सहाच्या सुमारास अग्निशमन दलाला मिळाली. त्यानंतर तातडीनं अग्निशमन दलाचे जवान घटनास्थळी पोहोचले. क्रॉफर्ड मार्केटमध्ये घरगुती वस्तूंची अनेक दुकानं आहेत. याशिवाय या भागात फळं, भाज्या आणि किराणा मालाचीदेखील दुकानं आहेत.