मुंबई : अकरावी प्रवेशाच्या पहिल्या नियमित फेरीमध्ये १ लाख १७ हजार ५२० विद्यार्थ्या$ंची निवड झाली होती. त्यापैकी ५३ हजार ३८३ म्हणजे केवळ ४५% विद्यार्थ्यांनीच आपल्या प्रवेशाची निश्चिती केली आहे.मुंबई उपसंचालक कार्यालयाच्या माहितीनुसार, पहिल्या पसंतीचे महाविद्यालय मिळालेल्या ४० हजार ४७६ विद्यार्थ्यांपैकी ३२ हजार ६८५ विद्यार्थ्या$ंनी आपले प्रवेश निश्चित केले आहेत. आतापर्यंत अकरावी आॅनलाइन प्रवेश प्रक्रियेमध्ये कोट्यांतर्गत आणि आॅनलाइन मिळून एकूण ७८ हजार ६१० विद्यार्थ्या$ंनी प्रवेश घेतले आहेत.आजपासून अकरावी आॅनलाइनच्या नियमित फेरी-२ साठी महाविद्यालयाचे पसंतीक्रम भरण्याची संधी विद्यार्थ्या$ंना उपलब्ध होणार आहे. तसेच ज्या विद्यार्थ्यांनी अद्याप आॅनलाइन नोंदणी केलेली नाही, असे विद्यार्थी भाग १ आणि भाग २ भरू शकतील. यासाठी ७ सप्टेंबर रोजी संध्याकाळी ६ पर्यंतची मुदत देण्यात आली आहे.याशिवाय या कालावधीत कॉलेजांना व्यवस्थापन तसेच अल्पसंख्याक कोट्यातील प्रवेशासाठी अर्ज मागविता येतील. यानंतर १० सप्टेंबर रोजी दुसरी गुणवत्ता यादी जाहीर होणार आहे.
अकरावीच्या पहिल्या फेरीमध्ये ४५ टक्के विद्यार्थ्या$ंनी केली प्रवेशनिश्चिती
By ऑनलाइन लोकमत | Published: September 05, 2020 7:39 AM