Mumbai Building Collapse : मुंबईतील वांद्रे पूर्व परिसरात पाच मजली इमारत कोसळल्याची बातमी समोर आली आहे. यामध्ये काही लोक अडकल्याची भीतीही व्यक्त करण्यात येत आहे. या घटनेची माहिती मिळताच स्थानिक प्रशासनाने मदत आणि बचावकार्य सुरू केले आहे. यामध्ये पाच जण अडकल्याची भीतीही व्यक्त करण्यात येत होती. परंतु आता यात अडकलेल्या लोकांची सुटका करण्यात यश आल्याची माहिती समोर आली आहे.
या घटनेची माहिती मिळताच अग्निशमन दलाच्या ५ गाड्या आणि ६ रुग्णवाहिका घटनास्थळी दाखल झाल्या आहेत. ही घटना बेहराम नगर भागात घडल्याचं महापालिकेकडून सांगण्यात आलं. एक दिवस आधी म्हणजेच मंगळवारी मुंबईतील मालाड परिसरात तीन मजली इमारत कोसळल्याची घटना समोर आली होती. मात्र, यामध्ये कोणतीही जीवितहानी झाली नव्हती.