मुंबई : कुलाबा परिसरात भरदिवसा अमेरिकन महिलेसमोर अश्लील कृत्य करणाऱ्या तरुणाला कुलाबा पोलिसांनी अटक केली. गोपाळ वाल्मिकी (२३) असे त्याचे नाव आहे. सायंकाळी त्याची वैयक्तिक जातमुचलक्यावर सुटका करण्यात आली. त्याच्या विकृत कृत्याबाबत सोशल मीडियावरून टीकेची झोड उठल्यानंतर पोलिसांनी त्याला मंगळवारी मध्यरात्री अटक केली होती.एका परदेशी आॅडिट कंपनीत काम करीत असलेल्या मरियाना अब्दो दक्षिण मुंबईतील कुलाबा परिसरात राहतात. सोमवारी मॉर्निंग वॉक वेळी एका तरुणाने अत्यंत अश्लील व बीभत्स कृत्य केले. अब्दो यांनी मोबाइलवर त्या तरुणाचे फोटो घेऊन ट्विटरवर अपलोड केले. त्याला पकडण्यासाठी सहकार्य करण्याचे आवाहन केले होते. या प्रकाराची दखल घेत मुख्यमंत्री देवेंद्र फडणवीस यांनी संबंधिताचा तातडीने शोध घेण्याचे आदेश पोलिसांनी दिले. पोलिसांनी संबंधित महिलेकडून रीतसर तक्रार नोंदवून घेतली. त्यांनी काढलेल्या फोटोवरून त्याचा शोध केला असता, गोपाळ वाल्मिकी नावाच्या इसमाला अटक करण्यात आली. (प्रतिनिधी)
परदेशी महिलेसमोर अश्लील वर्तन करणारा अटकेत
By admin | Published: August 20, 2015 1:06 AM