ट्रकने दिली कारला धडक, अपघातात मुंबईचे चौघे जखमी

मुंबई-गोवा महामार्गावर पोलादपूर हद्दीतील पार्ले बौद्धवाडी गावाजवळ विरुद्ध दिशेला येऊन, ट्रकने कारला धडक दिल्याने झालेल्या अपघातात कारमधील चार प्रवासी जखमी झाले.

पोलादपूर : मुंबई-गोवा महामार्गावर पोलादपूर हद्दीतील पार्ले बौद्धवाडी गावाजवळ विरुद्ध दिशेला येऊन, ट्रकने कारला धडक दिल्याने झालेल्या अपघातात कारमधील चार प्रवासी जखमी झाले. ही घटना ७ आॅक्टोबर रोजी मध्यरात्री घडली आहे. संदेश नाथबुवा हे कारने खेडवरून मुंबईला जात असताना, मुंबईकडून येणाºया ट्रकने कारला धडक दिली. यात कारचालक संदेश नाथबुवा (२९), प्रमोद गुरव (६४), प्रेरणा गुरव (५५), लक्ष्मीकांत गडकर (२९) सर्व राहणार विक्रोळी, मुंबई हे जखमी झाले. त्यांना पोलादपूर ग्रामीण रु ग्णालयात उपचारासाठी दाखल करण्यात आले आहे. पोलादपूर पोलीस ठाण्यात अपघाताची नोंद करण्यात आली आहे.