पाणी योजनेत चार लाखांचा अपहार

लेखी नोटीस देवूनही रक्कम जमा न करता शासनाची फसवणूक करुन आर्थिक अपहार केल्या प्रकरणी नागोठणे पोलिसांनी सात जणांवर गुन्हा दाखल केला आहे.

अलिबाग :पाण्याच्या झऱ्यांवर आधारित लघु नळपाणी पुरवठा अंतर्गत नळ योजना राबविण्यासाठी शिवकालीन पाणी साठवण योजना रायगड जिल्हा समितीने नागोठण्या जवळच्या चोळेटेप-शिहू ग्रामपाणी व स्वच्छता समिती अध्यक्ष व सचिव यांच्या नावे धनादेश दिला होता. या ३ लाख ९० हजार ७२७ रुपयांचा विनियोग न करता, ठरवून दिलेल्या मुदतीत काम पूर्ण केले नाही. परिणामी ही रक्कम शासनजमा करण्याबाबत लेखी नोटीस देवूनही रक्कम जमा न करता शासनाची फसवणूक करुन आर्थिक अपहार केल्या प्रकरणी नागोठणे पोलिसांनी सात जणांवर गुन्हा दाखल केला आहे.या सात जणांमध्ये चोळेटेप-शिहू ग्रामपाणी व स्वच्छता समिती अध्यक्ष प्रवीण दामोदर कुथे व सचिव गीता अमृत कुथे यांच्यासह समिती सदस्य पुष्पा घनशाम कुथे, निर्मला निवृत्ती कु थे,चंद्रभागा कृष्णा कुथे, मोहन देवजी म्हात्रे, राजेंद्र नथुराम म्हात्रे सर्व शिहू यांचा समावेश आहे. (विशेष प्रतिनिधी)