मुंबई : धारावीत शुक्रवारी कोरोनाचे चार रुग्ण आढळून आले, तर दादर येथे दोन आणि माहीम येथे सात कोरोनाचे रुग्ण आढळून आले. दिवसभरात या विभागात कोरोनाचे एकूण तेरा रुग्ण आढळून आले.
-------------------
विश्वकर्मा जयंती पूजन
मुंबई : चेंबूर ट्रॉम्बे एज्युकेशन सोसायटीच्या सीटीईएस कॉलेज ऑफ आर्किटेक्चरमधील ग्रंथालयात विश्वकर्मा जयंतीनिमित्त पूजन करण्यात आले. कोविडसंबंधी आवश्यक ती खबरदारी घेऊन कार्यक्रम साजरा करण्यात आला. ग्रंथालयात विश्वकर्मा यांच्याशी संबंधित स्थापत्यकलेविषयी पुस्तकांची मांडणी करण्यात आली. वास्तुस्थापत्य आरेखन प्रक्रियेत उपयोगी येणाऱ्या काही वस्तूंचेही पूजन करण्यात आले.
-------------------
ऑनलाइन व्याख्यान
मुंबई : महाराष्ट्र अंधश्रद्धा निर्मूलन समितीतर्फे सत्यशोधक व्याख्यानमालेअंतर्गत २० सप्टेंबर रोजी संध्याकाळी ६ वाजता स्वातंत्र्य चळवळीची मूल्यसंकल्पना या विषयावर डॉ.सुरेंद्र जोंधळे यांचे ऑनलाइन व्याख्यान आयोजित करण्यात आले आहे.