चार वर्षाच्या मुलीवर अत्याचार

मुंबई : साकीनाका परिसरात ४ वर्षीय मुलीवर लैंगिक अत्याचार केल्याप्रकरणी २८ वर्षीय आरोपीला अटक करण्यात आली आहे. साकीनाका पोलीस याप्रकरणी अधिक तपास करत आहेत.

मारहाण करून सोनसाखळी चोरी

मुंबई : अँटाँपहील परिसरात राहात असलेला फैयाज शेख हा नेहमीप्रमाणे शुक्रवारी सकाळी दारुखाना येथे जाण्यासाठी घराबाहेर पडला. शेख हा शिवडी परिसरातून जात असताना ॲक्टिव्हावरून आलेल्या दोघांनी गाडीवरच शेख यांच्यासह जलाल यांना मारहाण करण्यास सुरुवात केली. पुढे या दोघांनी शेख यांच्या गळ्यातील ३ ग्रॅम वजनाची सोनसाखळी खेचून पळ काढला. त्यानंतर या दोघांनी शिवडी पोलीस ठाणे गाठून तक्रार दिली आहे. त्यानुसार पोलिसांनी गुन्हा नोंदवत अधिक तपास सुरू केला.

कुरियर कंपनीची फसवणूक

मुंबई : पंजाबमधून माल बेंगलोरमध्ये पोहोच करण्याचे आश्वासन देत पैसे घेऊन ट्रान्सपोर्ट दलालाने एका कुरियर कंपनीला लाखो रुपयांना गंडा घातला आहे. याप्रकरणी शुक्रवारी गुन्हा दाखल करून ताडदेव पोलीस तपास करत आहेत.

हिरे घेऊन कामगार पसार

मुंबई : मालकाने अँसरटींगसाठी दिलेले ८ लाख रुपये किमतीचे हिरे घेऊन कामगाराने पळ काढल्याची धक्कादायक घटना पायधुनीमध्ये घडली आहे. याप्रकरणी शनिवारी गुन्हा दाखल करून पायधुनी पोलीस तपास करत आहेत.