ग्रामपंचायत निवडणूक; प्रारूप मतदार यादी १ डिसेंबरला

लोकमत न्यूज नेटवर्क

मुंबई : राज्यातील १४ हजार २३३ ग्रामपंचायतींच्या सार्वत्रिक निवडणुकांसाठी १ डिसेंबरला प्रारूप मतदार याद्या प्रसिद्ध केल्या जातील. त्यावर ७ डिसेंबरपर्यंत हरकती व सूचना दाखल करता येतील. त्यानंतर १० डिसेंबरला अंतिम मतदार याद्या प्रसिद्ध केल्या जातील, अशी माहिती राज्य निवडणूक आयुक्त यू.पी.एस. मदान यांनी शनिवारी दिली. विधानसभा मतदारसंघाच्या २५ सप्टेंबरला अस्तित्वात असलेल्या मतदार याद्या या निवडणुकांसाठी ग्राह्य धरण्यात येतील.