मुंबई - श्रीसिद्धीविनायक गणपती मंदिर न्यासातर्फे २ सप्टेंबर रोजी सायंकाळी ४ ते ४.३० या कालावधीत मंदिर प्रांगणात महिलांसाठी श्रीसिद्धिविनायक गणपती मंदिराच्या प्रांगणात सामूहिक श्रीगणेश अथर्वशीर्ष पठण आयोजित करण्यात आले आहे.
कार्यक्रमाची सुरुवात सायंकाळी ४ वाजता शंखनादाने करून, तीन वेळा ओंकार म्हणून गणेश वंदना करण्यात येईल. त्यानंतर सामूहिक अथर्वशीर्ष पठणाची सुरुवात करण्यात येईल. त्यानंतर श्री गणेशाचे ( श्री गजानन जय गजानन जय जय गणेश मोरया ) नामस्मरण करण्यात येईल. नामस्मरण झाल्यानंतर सामूहिक महाआरती करून श्रीगणेशाचे दर्शन होईल.
नोंदणी अर्ज न्यासाच्या जनसंपर्क कक्षामध्ये उपलब्ध आहे. ऑनलाइन अर्जं भरण्यास अंतिम मुदत १ सप्टेंबर सायंकाळी ५ पर्यंत असेल. कार्यक्रमाची सुरुवात बरोबर सायंकाळी ४ वाजता होणार असून महिलांनी दुपारी ३ पर्यंत उपस्थित राहणे आवश्यक आहे.