मुंबई: ज्येष्ठ नागरिक विरंगुळा व योगा केंद्राचा उद्घाटन सोहळा शिवसेना विभागप्रमुख आमदार विलास भाई पोतनीस यांच्या हस्ते दहिसर येथे शनिवारी ३१ जुलै रोजी सकाळी ११ वा. पार पडणार आहे. या दरम्यान कोविड १९ बाबत शासनाच्या सर्व अटी-शर्तींचे पालन करण्यात येईल.
-------------
पार्किंगमधून मोटरसायकलची चोरी
मुंबई: पार्किंगमधून मोटरसायकलची चोरी करण्यात आली होती. मात्र मालाड परिसरात हॉटेलजवळून वाहतूक पोलिसांनी ती गाडी नो पार्किंग मधून उचलली आणि त्यामुळे त्याच्या खऱ्या मालकापर्यंत ती पोहोचली. याप्रकरणी मालाड पोलीस चौकशी करत आहेत.
------------
इमारतीत अनधिकृत काम
मुंबई: मालाड पश्चिमच्या पाम स्प्रिंग इमारतीमध्ये अनधिकृत बांधकाम करण्यात आल्याचा प्रकार उघडकीस आला आहे. त्यानुसार पालिकेच्या पी उत्तर विभागाने याकडे लक्ष देत योग्य ती कारवाई करण्याची विनंती स्थानिकांनी केली आहे.
------------
शौचाचे पाणी शिरतेय घरात
मुंबई: गोरेगावच्या मंगलमूर्ती इमारतीमध्ये मल:निस्सारण वाहिनी दुरुस्त करण्यात आलेली नाही. परिणामी येथील शौचाचे पाणी स्थानिकांच्या घरात शिरते. याप्रकरणी पी दक्षिण विभागाने लक्ष घालत समस्येचे निराकरण करावे अशी स्थानिकांची विनंती आहे.