मुंबई : मासेविक्रीवरून आई आणि अन्य तरुणासोबत सुरू असलेले भांडण सोडविण्यासाठी गेलेल्या तरुणावर प्राणघातक हल्ला चढविल्याची घटना रविवारी घडली. मानखुर्दच्या मंडाळा सिग्नल परिसरात ही घटना घडली. या प्रकरणी मानखुर्द पोलिसांनी रितेश गैड (१९) याला अटक केली आहे.
.................................
घाटकाेपरमध्ये पार्क केलेली दुचाकी चोरीला
मुंबई : घाटकोपर येथील रहिवासी असलेले महेंद्र गुरव यांनी एलबीएस मार्गावर पार्क केलेली दुचाकी चोरीला गेल्याप्रकरणी घाटकोपर पोलिसांनी अनोळखी व्यक्तीविरुद्ध गुन्हा नोंदविला आहे. या प्रकरणी घटाकोपर पोलीस अधिक तपास करीत आहेत.
...................................
घाटकाेपरमधून अल्पवयीन मुलगी बेपत्ता
मुंबई : घाटकोपर परिसरात राहणाऱ्या १७ वर्षीय मुलीला पळवून नेल्याप्रकरणी पंतनगर पोलीस ठाण्यात अनोळखी व्यक्तीविरुद्ध गुन्हा नोंद करण्यात आला आहे. मुलीच्या बहिणीने दिलेल्या तक्रारीवरून पोलीस अधिक तपास करीत आहेत.
................................
बँक कर्मचारी असल्याचे सांगून फसवणूक
मुंबई : बँकेतून बोलत असल्याचे सांगून भांडुपचे रहिवासी असलेले मनोहर जाधव (७७) या आजोबांची ४३ हजार ७०० रुपये काढल्याप्रकरणी भांडुप पोलीस ठाण्यात नुकताच फसवणुकीचा गुन्हा नोंदवला आहे. यात बचत खात्याच्या पासबुकवर सहा महिन्यांपासून एन्ट्री केली नसल्याने खाते बंद होणार असल्याची भीती घालून त्यांच्याकडून गोपनीय माहिती मिळविण्यात आली होती. या प्रकरणी भांडुप पोलीस अधिक तपास करीत आहेत.