जेईई आॅफलाइन परीक्षा सुरळीत

देशभरातील अभियांत्रिकी आणि तत्सम अभ्यासक्रमांच्या प्रवेशासाठी घेण्यात येणारी जेईई मेन ही सामाईक प्रवेशपूर्व परीक्षा आॅफलाइन पद्धतीने रविवारी देशभरात सुरळीत पार

मुंबई : देशभरातील अभियांत्रिकी आणि तत्सम अभ्यासक्रमांच्या प्रवेशासाठी घेण्यात येणारी जेईई मेन ही सामाईक प्रवेशपूर्व परीक्षा आॅफलाइन पद्धतीने रविवारी देशभरात सुरळीत पार पडली, तरी जेईईची आॅनलाइन परीक्षा शनिवारी, ९ एप्रिलला होणार असून, त्याकडे विद्यार्थ्यांचे लक्ष लागले आहे. केंद्रीय शिक्षण मंडळातर्फे घेण्यात येणाऱ्या या परीक्षेला सुमारे १२ लाखांहून अधिक विद्यार्थ्यांनी नोंदणी केली होती. मंडळाने दिलेल्या माहितीनुसार, एकूण १२९ शहरांमधील २ हजार परीक्षा केंद्रांवर एकाच वेळी ही परीक्षा घेण्यात आली. आॅफलाइन परीक्षा व्यवस्थित पार पडली असली, तरी शनिवारी होणारी आॅनलाइन परीक्षा सुरळीत पार पाडण्याचे लक्ष्य मंडळासमोर आहे.