लोकमत न्यूज नेटवर्क
मुंबई : जोगेश्वरी पश्चिमेकडील ओशिवरा रिलिफ रोडवरील सुन्नी मुस्लिम कब्रस्तानच्या विरुद्ध बाजूस असलेल्या तळमजला अधिक सहा मजली आशियाना या एसआरए इमारतीच्या पहिल्या मजल्यावर शुक्रवारी सकाळी ७ च्या सुमारास आग लागली. सुदैवाने यात काेणतीही जीवितहानी झाली नाही.
आग भडकत असल्याने रहिवासी घाबरले हाेते. अग्निशमन दलाच्या जवानांनी तब्बल अडीच तासाहून अधिक काळ शर्थीचे प्रयत्न करून आग आटाेक्यात आणली. त्यामुळे अनर्थ टळला. दरम्यान, स्थानिकांनी सुरक्षित ठिकाणी धाव घेतली. आठ फायर इंजिन, आठ जम्बो टँकरसह उर्वरित साधनांच्या मदतीने सकाळी साडेदहाच्या सुमारस आगीवर नियंत्रण मिळविण्यात यश आल्याची माहिती मुंबई अग्निशमन दलाने दिली.
आगीचे नेमके कारण अद्याप समजू शकले नसून, स्थानिक पोलीस आणि अग्निशमन दलाकडून अधिक चौकशी सुरू आहे.
......................................