कल्याण - ठाणे ब्लॉक

मध्य रेल्वेच्या कल्याण-ठाणे अप जलद मार्गासह हार्बरच्या कुर्ला-मानखुर्द मार्गावर रविवारी मेगाब्लॉक घेण्यात येणार आहे.

डोंबिवली : मध्य रेल्वेच्या कल्याण-ठाणे अप जलद मार्गासह हार्बरच्या कुर्ला-मानखुर्द मार्गावर रविवारी मेगाब्लॉक घेण्यात येणार आहे. ब्लॉक अनुक्रमे स. ११.२२ ते दु. ३.४२ आणि स. ११ ते दु. ३ या वेळेत घेण्यात येणार आहेत.
कल्याण-ठाणेची वाहतूक अप धीम्या मार्गावर वळविण्यात आली असून ठाण्यानंतर ती पुन्हा जलदवर वळविण्यात येणार आहे. हार्बरच्या कुर्ला-मानखुर्द अप/डाऊनवर ब्लॉक असल्याने त्या कालावधीत बेलापूर / पनवेल / वाशीहून सीएसटीसाठी आणि सीएसटीहून त्या स्थानकांसाठी जाणाऱ्या गाड्या रद्द करण्यात येणार आहेत.
त्या वेळेत सीएसटी-कुर्ला आणि वाशी-मानखुर्द मार्गावर विशेष लोकल सोडण्यात येणार असल्याचेही म.रे.च्या प्रसिद्धिपत्रकात जाहीर करण्यात आले आहे. (प्रतिनिधी)