३० सेकंदात ३२ प्लॅटफॉर्म जंप मारून कांदिवलीच्या अनुराग वर्माचा विक्रम

मुंबई : कांदिवली येथील चाळीत राहणाऱ्या अनुराग वर्मा या २१ वर्षीय विद्यार्थ्याने ३० सेकंदांमध्ये ३२ प्लॅटफॉर्म जंप मारून एक नवा विक्रम केला आहे. याबद्दल वर्ल्ड रेकॉर्ड्स बुक ऑफ इंडियातर्फे त्याचा सत्कार करण्यात आला आहे.

अनुराग वर्मा हा लहानपणापासून मार्शल आर्टचे प्रशिक्षण घेत आहे. जागतिक विक्रम करण्याचा त्याचा सुरुवातीपासून मानस होता. गरीब परिस्थितीवर मात करत यासाठी अहोरात्र मेहनत करून त्याने हा विक्रम केला. यानिमित्त वर्ल्ड रेकॉर्डस् बुक ऑफ इंडियाचे सीनियर एज्युकेटर संजय नार्वेकर आणि सुषमा नार्वेकर यांच्या उपस्थितीमध्ये अनुराग वर्मा आणि त्यांचे प्रशिक्षक मनोज गौंड यांचा प्रमाणपत्र आणि मेडल देऊन कांदिवली येथे सत्कार करण्यात आला. अनुरागने त्याच्या यशाचे श्रेय त्याचे आई-वडील व त्याच्या प्रशिक्षकांना दिले आहे.