Kisan Long March : रितेश, कुणालचे 'जय किसान', सेलिब्रिटींचा शेतकऱ्यांना सलाम

ज्या बळीराजाच्या श्रमांमुळे आपण दोन वेळा सुखाने जेवू शकतो, त्याच्या व्यथा-वेदना अस्वस्थ करणाऱ्याच आहेत.

मुंबईः आपल्या विविध मागण्यांसाठी नाशिकहून चालत मुंबईत धडकलेल्या किसान लाँग मार्चला राजकीय पक्षांसह नागरिक आणि सेलिब्रिटींनीही पाठिंबा दिला आहे. ज्या बळीराजाच्या श्रमांमुळे आपण दोन वेळा सुखाने जेवू शकतो, त्याच्या व्यथा-वेदना अस्वस्थ करणाऱ्याच आहेत. त्यांच्याबद्दल सहवेदना व्यक्त करणाऱ्या, त्यांना सलाम करणाऱ्या पोस्ट सेलिब्रिटींनी सोशल मीडियावरून शेअर केल्यात. 

अभिनेता रितेश देशमुखने ट्विटरवरून 'जय किसान'चा नारा दिला आहे. आपल्या न्याय्य मागण्यांसाठी शेतकरी १८० किमी चालत आलेत. विद्यार्थ्यांना त्रास होऊ नये म्हणून त्यांना रात्रीही पायपीट करत आझाद मैदान गाठलं. त्यांना खरोखरच सॅल्यूट असं रितेशनं म्हटलंय.   

50,000 farmers walked 180kms, asking for the rightful compensation for their crop. On their last stretch they walked all night making sure they didn’t disturb the SSC board examinations. #Compassion#respect#Salute#JaiKisan - 🙏🏽🙏🏽 pic.twitter.com/epa0a90A6u

— Riteish Deshmukh (@Riteishd) March 12, 2018

शेतकरी हा देशाचा कणा आहे. त्यांचं दुःख अस्वस्थ करणारं आहे. अनेक समस्या असतानाही ते संयम ठेवून आहेत. त्यांना न्याय मिळेल, अशी आशा आहे, अशा भावना अभिनेता कुणाल खेमूनं व्यक्त केल्यात.  

I feel very emotional listening to the plight of the farmers and their stories. Walking barefoot and with bare necessities and still being as patient, calm and disciplined. I really hope we find a way to help end the prolonged ordeal of the backbone of this country - Jai Kisan!

— kunal kemmu (@kunalkemmu) March 12, 2018

राजकारण बाजूला ठेवा, शेतकऱ्यांच्या प्रश्नावर तोडगा कुठे आहे?, असा सवाल हुमा कुरेशीनं केला आहे. 

Let's all show respect to this peaceful moving mass protest ...Let us set aside petty politics ... Where is the solution ?? #KisanLongMarch#Democracypic.twitter.com/9ErGkwkLT4

— Huma Qureshi (@humasqureshi) March 11, 2018