सीएसटीजवळ लोकल घसरली, वाहतूक ठप्प

मुंबई, दि. १४ - सीएसटी रेल्वे स्थानकाजवळ हार्बर मार्गावरील लोकलचे तीन डबे रुळावरून घसरल्याने या मार्गावरील वाहतूक ठप्प झाली आहे. 

हार्बर मार्गावरील लोकल सीएसटी स्थानकात प्रवेश करत असताना समोरील तीन डबे रुऴावरुन घसरले. ही घटना संध्याकाळी सातच्या सुमारास घडली. त्यामुळे ऐन गर्दीच्यावेळी हा खेऴ खंडोबा झाल्याने कामावरुन घरी परतणा-या चाकरमान्यांचे चांगलेच हाल झाले. लोकल घसरल्याने सीएसटी स्थानकातील फलाट क्रमांक १, २ आणि ३ वरील वाहतूक बंद ठेवण्यात आली आहे. घटनास्थळी रेल्वेचे अधिकारी आणि कर्मचारी दाखल झाले असून वाहतूक सुरऴीत करण्याचे काम सुरु आहे. दरम्यान, हार्बर मार्गावरील वाहतूक सध्या वडाळा-पनवेल आणि वडाळा-वांद्रे अशी सुरु ठेवण्यात आली आहे. मात्र या मार्गावरील वाहतूक पूर्ववत होण्यास किती वेळ लागेल, यासंदर्भात रेल्वे प्रशासनाने कोणतीही माहिती दिली नसल्याचे समजते.