लोकल प्रवाशांसाठी महत्त्वाची बातमी: पश्चिम रेल्वेवर शुक्रवारी, शनिवारी मेगाब्लॉक; ३३४ लोकल सेवा रद्द

Mumbai Local Block: ब्लॉक दरम्यान उपनगरीय लोकलसह मेल-एक्सप्रेसच्या वाहतुकीत मोठे बदल करण्यात आले आहेत.

लोकमत न्यूज नेटवर्क, मुंबई : माहिम ते बांद्रा स्थानकांदरम्यान पुलाचा गर्डर टाकण्यासाठी शुक्रवार आणि शनिवारी रात्रकालीन ब्लॉक घेण्यात येणार आहे. ब्लॉक दरम्यान उपनगरीय लोकलसह मेल-एक्सप्रेसच्या वाहतुकीत मोठे बदल करण्यात आले आहेत. दोन्ही दिवसांमध्ये सुमारे ३३४ लोकल सेवा रद्द करण्यात येणार आहेत. 

शुक्रवारी रात्री १०:२३ नंतर चर्चगेट स्थानकातून सुटणाऱ्या सर्व डाऊन धिम्या आणि चर्चगेटच्या दिशेला येणाऱ्या अप धिम्या लोकल मुंबई सेंट्रल-सांताक्रुझ दरम्यान जलद मार्गावरून धावणार परिणामी  महालक्ष्मी, लोअर परेल, प्रभादेवी, माटुंगा रोड, माहिम आणि खार रोड स्थानकात लोकल उपलब्ध नसणार आहे. शनिवारी ब्लॉक दरम्यान चर्चगेट - दादर दरम्यान जलद लोकल धावणार त्यामुळे शनिवार रात्री/रविवार सकाळी डहाणू रोड, विरार, नालासोपारा, वसई रोड, भाइंदर बोरीवली करून सुटणाऱ्या लोकल अंधेरीपर्यंत धावणार. तर चर्चगेट - विरार शेवटची लोकल शनिवारी रात्री १०:५३ वाजता सुटणार आहे. 

ब्लॉक १ (शुक्रवारी रात्री)
मार्ग- अप-डाउन धिम्या मार्गावर रात्री ११ ते सकाळी ८:३०, अप-डाउन जलद मार्गावर रात्री १२:३० ते सकाळी ६:३० वाजेपर्यंत

परिणाम- शुक्रवारी रात्री १०:२३ नंतर चर्चगेट स्थानकातून सुटणाऱ्या सर्व धिम्या आणि चर्चगेटच्या दिशेला येणाऱ्या अप धिम्या  लोकल मुंबई सेंट्रल-सांताक्रुझ दरम्यान जलद मार्गावरून धावणार. परिणामी  महालक्ष्मी, लोअर परेल, प्रभादेवी, माटुंगा रोड, माहिम आणि खार रोड स्थानकात थांबणार नाहीत.
विरार स्थानकातून शेवटची चर्चगेट लोकल रात्री १२:०५वाजता सुटणार.
· ब्लॉक दरम्यान चर्चगेट -दादर दरम्यान लोकल जलद मार्गावरून धावणार
· ब्लॉक कालावधीत गोरेगांव - बांद्रा दरम्यान लोकल हार्बर मार्गावरून चालविण्यात येणार.  
· विरार -अंधेरी दरम्यान लोकल धिम्या-जलद मार्गावरून धावणार
·शनिवारी सकाळी ६:१० वाजता भाईंदर स्थानकातून पहिली चर्चगेट लोकल रवाना होणार. ही लोकल सांताक्रुझ ते मुंबई सेंट्रल दरम्यान जलद मार्गावरून धावणार.
·शनिवार  बोरीवली -चर्चगेट दरम्यान पहिली  धीमी लोकल सकाळी ८:०३ वाजता सुटणार
· चर्चगेट स्थानकातून पहिली जलद लोकल सकाळी ६:१४ वाजता बोरीवलीकरिता सुटणार
·चर्चगेट - विरार पहिली जलद लोकल सकाळी सव्वा सहा वाजता धावणार
·चर्चगेट -बोरीवली दरम्यान पहिली  धीमी लोकल सकाळी ८:०३ वाजता सुटणार

ब्लॉक -२ (शनिवार रात्री)
मार्ग- अप-डाउन धिम्या,डाउन धिम्या मार्गावर रात्री ११:३० ते सकाळी ९,अप जलद मार्गावर रात्री ११:३० ते सकाळी ८ वाजेपर्यत

परिणाम-  ब्लॉक दरम्यान  चर्चगेट - दादर दरम्यान जलद लोकल धावणार
शनिवार रात्री/रविवार सकाळी डहाणू रोड, विरार, नालासोपारा, वसई रोड, भाईदर बोरीवलीहून सुटणाऱ्या लोकल अंधेरीपर्यंत धावणार
चर्चगेट - विरार शेवटची लोकल रात्री १०:५३ वाजता
रविवारी विरार - चर्चगेट पहिली धीमी लोकल सकाळी ८:०८ वाजता रविवारी भाईंदर  - चर्चगेट  पहिली लोकल सकाळी ८:२४ वाजता
विरार - चर्चगेट  पहिली जलद लोकल सकाळी ८:१८वाजता
चर्चगेट- विरार पहिली जलद लोकल सकाळी ९:०३ वाजता