मुंबई : रेल्वेच्या तिन्ही मार्गांवर रविवारी मेगाब्लॉक असेल. मध्य रेल्वेमार्गावर रविवारी सकाळी ११.१० ते ४.१० वाजेपर्यंत मुलुंड-माटुंगा अप धिम्या मार्गावर ब्लॉक असल्याने लोकल अप जलद मार्गावर धावतील. तर हार्बर मार्गावर सकाळी ११.३० ते ४.३० वाजेपर्यंत पनवेल-वाशी अप आणि डाऊन मार्गावरील ब्लॉक काळात एकही लोकल धावणार नाही. प्रवाशांच्या सेवेसाठी विशेष लोकल असतील. सकाळी ११ ते सायंकाळी ३ वाजेपर्यंत बोरीवली, भार्इंदरदरम्यान अप धिम्या, डाऊन जलद मार्गावर जम्बोब्लॉक घेण्यात येईल. ब्लॉक काळात अप दिशेकडील सर्व धिम्या लोकल वसई रोड-बोरीवली स्थानकादरम्यान जलद मार्गावर वळवण्यात येतील.
तिन्ही मार्गांवर उद्या मेगाब्लॉक
By ऑनलाइन लोकमत | Published: September 15, 2018 4:43 AM