मीरारोडमध्ये मीटर बॉक्सला आग; रहिवाश्यांची सुटका 

Mira Road: मीरारोडच्या शांती नगर मधील सेक्टर ३ मध्ये असलेल्या अजिंठा ६ / ए ५ ह्या ४ मजली इमारतीच्या तळमजल्यावर वीज मीटर बॉक्स ला शनिवारी आग लागली .

 मीरारोड - मीरारोडच्या शांती नगर मधील सेक्टर ३ मध्ये असलेल्या अजिंठा ६ / ए ५ ह्या ४ मजली इमारतीच्या तळमजल्यावर वीज मीटर बॉक्स ला शनिवारी आग लागली . स्फोटाचे आवाज होत आग भडकली . आग व धुराचे लोळ वरच्या बाजूला पसरू लागले . त्यामुळे तळ मजल्यावरील तसेच वरच्या मजल्या वरच्या रहिवाश्यां मध्ये घबराट माजली . लहान मुले , महिला आदी अडकून बसले व भयभीत झाले . अनेकांना श्वास घेण्यास मुश्किल होऊ लागले . आगीची वर्दी मिळताच अग्निशमन दलाचे अधीकारी व जवान घटनास्थळी दाखल झाले . त्यांनी आग आटोक्यात आणल्या नंतर वर अडकून असलेल्या मुलं , महिलांना बाहेर काढले . घटनेत कोणीही जखमी झाले नसून वीज मीटर बॉक्स पूर्ण पणे जळाले व दुसऱ्या मजल्या पर्यंतची वायरिंग आगीत जळून गेल्याचे अग्निशमन दल प्रमुख प्रकाश बोराडे यांनी सांगितले . वीज मीटर व वायरिंग जळून गेल्याने रहिवाश्याना अंधारात रहावे लागत असून तात्पुरत्या स्वरूपात काहींना वीज दिव्यांची व्यवस्था करून देण्यात आली आहे . दरम्यान आगीची घटना समजताच आमदार गीता जैन सह माजी नगरसेवक अश्विन कासोदरिया , चंद्रकांत मोदी , हेतल परमार , दिनेश जैन आदी घटनास्थळी आले व घटनेचा आढावा घेतला .