लोकमत न्यूज नेटवर्क
मुंबई : मोटारसायकल चोराला मंगळवारी अटक करून वांद्रे पोलिसांनी चोरीला गेलेली गाडी परत मिळवून दिली. वांद्रेच्या रिबेलो रोडवर एस्काडा अपार्टमेंटमध्ये
प्रशांत देवेशकुमार सिंग (४६) यांनी त्यांची २ लाख ५ हजार ८४८ रुपये किमतीची पार्क केलेली दुचाकी ९ जुलै, २०२१ रोजी चोरीला गेली होती. त्यानुसार सिंग यांनी वांद्रे पोलीस ठाण्यात धाव घेतली. त्यानुसार पोलिसांनी गुन्हा दाखल करत शोध सुरू केला.
वांद्रे पोलीस ठाण्याचे प्रभारी वरिष्ठ पोलीस निरीक्षक मनोहर धनावडे, पोलीस निरीक्षक निकम (गुन्हे) यांच्या मार्गदर्शनाखाली गुन्हे प्रकटीकरण अधिकारी सहायक पोलीस निरीक्षक फड यांना मोटारसायकल चोरीतील आरोपी हा वांद्रे कार्टर रोड येथील ओटर्स क्लब याठिकाणी येणार असल्याचे समजले. त्यानुसार गुन्हे प्रकटीकरण पथकाच्या साहाय्याने सांताक्रूझ येथे राहणाऱ्या संकेत झीमन (२२) याला अटक केली. त्याने अजूनही असे प्रकार केल्याची माहिती असून याप्रकरणी चौकशी सुरू आहे.