मुंबई मराठी पत्रकार संघाचे पुरस्कार जाहीर

मुंबई मराठी पत्रकार संघातर्फे दरवर्षी पत्रकार दिनी ६ जानेवारी रोजी देण्यात येणारे विविध पुरस्कार शनिवारी संघाचे अध्यक्ष नरेंद्र वि. वाबळे यांनी जाहीर केले.

मुंबई : मुंबई मराठी पत्रकार संघातर्फे दरवर्षी पत्रकार दिनी ६ जानेवारी रोजी देण्यात येणारे विविध पुरस्कार शनिवारी संघाचे अध्यक्ष नरेंद्र वि. वाबळे यांनी जाहीर केले. या पुरस्कारांत आप्पा पेंडसे पत्रकारिता पुरस्कार : मनश्री पाठक (एबीपी माझा), जयहिंद प्रकाशन पुरस्कार : (विभागून) सदानंद खोपकर (श्री राजा शाहू छत्रपती स्वामी) आणि गुणाजी काजिर्डेकर (ओबीसी आहेत तरी कोठे?), कॉ. तु. कृ. सरमळकर पुरस्कार : जयू भाटकर (मुंबई दूरदर्शन) यांना जाहीर झाला आहे. तर विद्याधर गोखले ललित लेखन पुरस्कार : संजीवनी खेर, रमेश भोगटे पुरस्कार : वैभव परब (एबीपी माझा), ‘शिवनेर’कार विश्वनाथराव वाबळे स्मृती पुरस्कार : तेजस वाघमारे (सकाळ) यांना घोषित झाला आहे. या पुरस्कारांचे वितरण ६ जानेवारी रोजी खासदार संजय राऊत यांच्या हस्ते सायंकाळी ५ वाजता पत्रकार भवन येथे केले जाईल.