मुंबई : चेंबूरमधील आर.के. स्टुडिओतील अग्नितांडव आटोक्यात, सामान जळून भस्मसात

मुंबईतील चेंबूरमधील आर.के. स्टुडिओला लागलेली भीषण आग आता आटोक्यात आली आहे.

मुंबई, दि. 16 - चेंबूरमधील आर.के. स्टुडिओला लागलेली भीषण आग नियंत्रणात आणण्यात अग्निशमन दलाला यश मिळाले आहे. शॉर्ट सर्किटमुळे  स्टुडिओतील एका डान्स रिअॅलिटी शोच्या सेटवर ही आग लागली होती. दरम्यान भीषण अशा या आगीमध्ये स्टुडिओचा काही भाग आणि सामानही जळून खाक झाले आहे.  सुदैवानं या आगीत कोणतीही जीविताहानी झालेली नाही. आग लागल्याची माहिती मिळताच घटनास्थळी अग्निशमन दलाच्या 11 गाड्या दाखल झाल्या होत्या.  दुपारी 2.22 वाजण्याच्या सुमारास अग्निशमन दलाला आर.के. स्टुडिओमध्ये आग लागल्याची माहिती मिळाली. यानंतर 2.37 वाजण्याच्या सुमारास अग्निशमन दल घटनास्थळी दाखल झाले व त्यांनी आगीवर नियंत्रण मिळवण्याचे कार्य सुरू केले. 

सेटसाठी लागणारे प्लायवूड या भागात असल्याने आग झपाट्याने पसरली. आगीवर नियंत्रण मिळवण्यासाठी शर्थीचे प्रयत्न करण्यात आले आणि अखेर आग आटोक्यात आली. अग्निशमन दलाच्या १० गाड्या आणि टँकर घटनास्थळी पोहोचले. शनिवारी शुटिंग नसल्याने स्टुडिओत फारशी वर्दळ नव्हती. त्यामुळे जीवितहानी टळली.  दोन तासांनंतर आग विझवण्यात यश आले असून आगीत स्टुडिओचे मोठे नुकसान झाल्याते समजते. ज्येष्ठ अभिनेते ऋषी कपूर यांनीही घटनास्थळी जाऊन पाहणी केली.

धुराचे मोठ-मोठे पसरले होते लोट

या अग्नितांडवामुळे परिसरात धुराचे मोठ-मोठे लोट पसरले होते. यामुळे घाटकोपर-ठाण्याकडे जाणा-या रस्त्यांवर वाहतूककोंडी निर्माण झाली होती. आगीची तीव्रता पाहता आणि खबरदारी म्हणून पोलिसांनी परिसरातील वाहतूक बंद केली होती. 

आर.के स्टुडिओत चित्रित झालेले सिनेमे
सिनेमे                                 वर्ष
श्री 420                             1955
जागते रहो                         1956
अब दिल्ली दूर नही            1957
जिस देश मे गंगा बहती है  1960
संगम                                1964
मेरा नाम जोकर                1970
कल आज और कल           1971
बॉबी                                 1973
धरम करम                       1975
सत्यम शिवम सुंदरम       1978
बीबी ओ बीबी                   1981
प्रेम रोग                           1982
राम तेरी गंगा मैली           1985
हिना                                1991
प्रेम ग्रंथ                           1996
आ अब लौट चले              1999
 

 

#Update Fire at RK Studio: Fire broke out at the sets of TV show 'Super Dancer'. There was no crew at the set, today being Saturday #Mumbaipic.twitter.com/eujSGG1DgE

— ANI (@ANI) September 16, 2017

#Visuals Fire broke out at Mumbai's RK Studio. 6 fire tenders and 5 water tankers present at the spot. pic.twitter.com/eQc0J5qPiK

— ANI (@ANI) September 16, 2017

Fire breaks out at Mumbai's RK Studio. Four fire tenders and three water tankers rushed to the spot.

— ANI (@ANI) September 16, 2017